Auld Lang Syne

Should auld acquaintance be forgot,
And never brought to min'?
Should auld acquaintance be forgot,
And days of auld lang syne?

Refrain:
For auld lang syne, my dear.
For auld lang syne,
We'll tak a cup o' kindness yet,
For auld lang syne.

And surely ye'll be your pint-stowp,
And surely I'll be mine ;
And we'll tak a cup o' kindness yet
For auld lang syne.

We twa hae run about the braes,
And pu'd the gowans fine;
But we've wander'd mony a weary foot
Sin' auld lang syne.

We twa hae paidled i' the burn,
From morning sun till dine;
But seas between us 'braid hae roar'd
Sin' auld lang syne.

And there's a hand, my trusty friere,
And gie's a hand o' thine;
And we'll tak a right guid-willie waught,
For auld lang syne.